‘n donker 17e oktober in die jaar 2007 van ons Heer

in die newels sien ek hom
‘n vreemdeling of ‘n skim
as die newels lig is hy nie daar
wie is dit dan

       die een hier voor my
       growwe hande van harde werk
       hande wat vir geen werk stuit
       hande wat die onmoontlike sigbaar en klaar laat word
       die mense juig hom toe

maar …………….

as die man in die mis die deure in sy kop oopbreek,
word hy ‘n verleentheid vir die mense wat juig
Dan is hy te ERG en maak hulle bang.
Dan staan hulle terug
Hou hulle hande skoon
lewer kritiek oor

die mal man in die mis.
die mal man in die mis die skim
wat dan daar is en dan verdwyn
wat deure oopbreek in sy kop
       vra…
skreeu dit deur die mis

              wie is ek dan ?
              die skim ?
              die man ?
              die wonderdoener wat respek afdwing
              wat bewonder word…oor wat hy doen
                     maar…

          ook n verleentheid vir ander is
          ‘n verleentheid oor wie hy is en wat hy doen
die vrae – onbeantwoord verwond
die skim draai om
die man wil weg

die mis in vlug
waarheen nerens / erens
weg van mense vir wie hy
die verleentheids verwarring is

newels van werklikheid en droom
begin in sy gemoed parte speel
een oomblik in die werklikheid
die ander oomblik uit

          DAN…

gryp die rowwe hande smekend uit die mis
na ‘n plek in die stilte
waar hy God kan vind
kan vra
kan hoor
          al my
          inspirasie
          werk
          sukses
          die eindproduk daarvan
          wat ek op U skouers laai
          hoeveel daarvan was selfgemaakte vrugteslaai

                 wat

deur die tyd getoets
toe geen Goddelike inspirasie was
maar net
my eie waan

…skel…

skel soos ‘n angskreet
klink die vrae uit die mis
waar is God hierin
waar die selfgemaakte vrugteslaai

dis weer die man in die mis
wat weer met homself besig is

hy vra aan die man in die mis
en aan die mense wat op hom pis

          hoe sal ek weet
                 waaroor ek
                 God gehoorsaam
                    moet droom

                    OF

                 waaroor ek
                 God gehoorsaam
                      satan moet beveg
          wat maniese drome
          as God se woorde wil verkoop

       hoeveel skynbaar God gewilde pyn
       was toe al die tyd
       maar net eie selfgemaakte pyn
       van n deurmekaar siek mens

       hoeveel is siekte
       hoeveel God
       hoeveel die swakte
       van ‘n geesversteurde gemoed

hoe stap hierdie newel mens
uit die mistigheid wat hom nie kan omgrens
na n helderheid waar hy begrens en afgebaken is

© Hans Dreyer