Haelstorm

Ander se woorde
klagtes en
vrae
Kletter soos haelstene op die sinkmuur
van my kaja
Die storm bars deur die sinkplate

                     onherstelbaar gebuig

Binne maal die stormwater
            die fondamente uit

eenling binne
begin die modder my ondertoe trek
ek is onherstelbaar gebuig
die vernietigende krag van ander se
woede en
pyn

laat my wegsink in die modder
           gestroop van die brose kamma veiligheid
           van my kaja

© Hans Dreyer